Shqip
English 
Ελληνικά
Ambasadorja e Republikës së Shqipërisë në Athinë, znj. Luela Hajdaraga, bashkë me Oficeren Koordinuese për Diasporën, znj. Joneda Dodaj, kanë pritur në takim kryesinë e shoqatës së Korinthit, me të cilët kanë diskutuar mbi hapësirat dhe mundësitë e bashkëpunimit, nevojat dhe sfidat aktuale me të cilat përballet komuniteti shqiptar në Korinth.
Në fokus të diskutimeve ishte gjithashtu fuqizimi i komunikimit mes Ambasadës dhe komunitetit shqiptar në Korinth, si dhe koordinimi i aktiviteteve me institucionet shtetërore që do të mundësonin bashkëpunime të dobishme, në kuadër të ruajtjes së vlerave kombëtare dhe kulturore të diasporës.
