Shqip
English
Më 11-13 maj 2022, Ministrja e Bujqësisë dhe Zhvillimit Rural, Frida Krifca zhvilloi një vizitë në Lodz, Poloni në Lodz, ku mori pjesë në Sesionin e 33-të të Konferencës Rajonale Europiane të FAO, në të cilën Shqipëria u zgjodh nëndrejtuese. Kjo tryezë përbën themelin më të rëndësishëm për të ardhmen e bujqësisë në botë, duke vendosur në fokus sigurinë ushqimore dhe stabilizimin e tregut global. Zgjedhur mes 53 vendeve pjesmarrëse, Shqipëria kryesoi sesionin e 33-të të Konferencës Rajonale të FAO. Fokusi mbetet e ardhmja, bujqësia e qëndrueshme dhe rritja e prodhimit. Në këtë Konferencë, Ministrja Krifca mbajti një fjalë në sesionin mbi “zinxhirët e qendrueshëm të ushqyerjes, një qasje praktike për transferimin e sistemeve agroushqimore për dieta të shëndetshme në Evropë dhe Azinë Qendrore”.
Gjatë kësaj vizite Ministrja Krifca u takua gjithashtu me Zv/Kryeministrin, njëkohësisht dhe Ministër i Bujqësisë së Polonisë, Henryk Kowalczyk. "Polonia ka kaluar procese zhvillimi bujqësor mjaft të rëndësishme në rrugëtimin e integrimit ndaj Bashkimit Evropian dhe eksperiencën e tyre të vyer në negocimin e kapitujve të bujqësisë për përafrimin e legjislacionit dëshirojmë ta vemë në funksion të nevojave tona. Zëvendëskryeministri dhe Ministri i Bujqësisë, Kowalczyk është shprehur se dëshiron ta shohë Shqipërinë sa më shpejt në BE dhe se do ofrojë të gjithë mbështetjen dhe ekspertizën e nevojshme ndaj Ministrisë së Bujqësisë dhe Zhvillimit Rural të Shqipërisë”.
