Në datat 21-24 Prill 2024, me ftesë të Sheikh Saif Bin Zayed, Ministri i Brendshëm i EBA, Ministri i Brendshëm z. Taulant Balla, zhvilloi një vizitë zyrtare në Abu Dhabi. Gjatë qëndrimit në Abu Dhabi, Ministri Balla pati një takim zyrtar me Ministrin e Brendshëm, Sheikh Saif Bin Zayed, Ministrin e Drejtësisë Mohamed Al Nuaimi dhe Presidentin Sheikh Mohamed Bin Zayed. Gjatë vizitës, Ministri Balla vizitoi Kolegjin e Policisë, Qendrën e Emergjencave, Qëndrën e Inteligjëncës Artificiale dhe Qëndrën e Menaxhimit të Integruar të Trafikut.

Në datat 12 dhe 13 shkurt 2024, Kryeministri Edi Rama zhvilloi një vizitë pune në EBA ku mori pjesë në Samitin e Qeverisjes Globale dhe ku zhvilloi takime me udhëheqësit vendas. Gjatë pjesëmarrjes në Samit, Kryeministri mbajti një fjalë rasti në të cilën bëri një pasqyrë të detajuar te zhvillimit dixhital të vendit dhe politikave dhe iniciativave qe kanë të bëjnë më inteligjencën artificiale. Kryeministri Edi Rama zhvilloi një takim me Presidentin e EBA, Sheikh Mohamed bin Zayed. Gjatë takimit u diskutua ecurina e marrëdhënieve dypalëshe dhe kryesisht atyre ekonomike.

Më datë 02.11.2023, Ambasadori Ridi Kurtezi, zhvilloi një takim me Z. Abdullah Al Nuaimi, Ministër i Drejtësisë së Emirateve të Bashkuara Arabe. Takimi ishte i ngohtë dhe miqësor dhe u realizua në vazhdën e takimeve njohëse me zyrtarët vendas. Gjatë takimit shprehëm vlerësim të dyanshëm për marrëdhëniet shumë të mira midis të dyja vendeve, të cilat zhvillohen për cdo ditë me orientim dhe vullnet të përbashkët për ti shërbyer zhvillimit ekonomik, bashkëpunimit politik dhe bashkëpunimit shumëpalësh.

Nën kujdesin e Kryeministrit të Republikës së Shqipërisë, z. Edi Rama, Ministria për Evropën dhe Punët e Jashtme ka kënaqësinë t’ju ftojë në Ditën Arbëreshe dhe Samitin e III të Diasporës, që do të zhvillohen më datat 22-23 nëntor 2023, në Tiranë.
 
Për pjesmarrjen tuaj, ju ftojmë të regjistroheni në linkun
 
https://t.ly/r6MEO
 
Shihemi në Tiranë më 22-23 nëntor