Ministri për Evropën dhe Punët e Jashtme, Igli Hasani, mori pjesë në takimin e 17-të të Komisionit Parlamentar të Stabilizim-Asociimit BE-Shqipëri.
Ministri Hasani vlerësoi mbështetjen institucionale që Parlamenti Evropian ka dhënë ndaj Shqipërisë ndër vite, për përparimin në rrugën e integrimit evropian, duke vënë në dukje se raporti i fundit i Parlamentit Evropian për Shqipërinë, i miratuar nga shumica dërrmuese e seancës plenare, është një dëshmi e fortë e kësaj mbështetjeje.

Në vizitën e tij të parë zyrtare në Maqedoninë e Veriut, Ministri Igli Hasani theksoi se Shqipëria dhe RMV kanë treguar një përkushtim të jashtëzakonshëm në rrugën e tyre drejt BE dhe janë gati për hapin e radhës: mbajtjen e Konferencës së dytë Ndërqeveritare.
Më poshtë fjala e plotë e Ministrit Hasani gjatë konferencës të përbashkët për media me homologun Bujar Osmani.

E dashur Donika, është vërtet një kënaqësi që ndodhem sot në Prishtinë për vizitën time të parë dypalëshe. Dua të falënderoj shumë kolegen, motrën time, Ministren për Punët e Jashtme dhe të Diasporës, znj. Donika Gërvalla Schwarz për mikpritjen, por edhe për diskutimet e hapura që patëm.

Data 22 nëntor, e cila shënjon Ditën e Alfabetit do të shpallet festë kombëtare.
Në një prononcim për mediat, Ministri për Evropën dhe Punët e Jashtme, Igli Hasani, bëri me dije se Këshilli i Ministrave do t’i propozojë Kuvendit të Shqipërisë shtimin e ‘Ditës së Alfabetit’ si një nga festat kombëtare të Shqipërisë.
Ministri Hasani u shpreh se 22 nëntori përfaqëson momentin më të madh unifikues të shqiptarëve, teksa nënvizoi se gjuha shqipe është ajo që i bashkon vërtetë shqiptarët kudo ndodhen nëpër botë.