Ministrja për Evropën dhe Punët e Jashtme, Olta Xhaçka, ka marrë pjesë në takimin e posaçëm online të përforcuar të Këshillit të Përhershëm të OSBE-së, për çështjen e Ukrainës.
Ministrja Xhaçka u shpreh se Rusia duhet t’i japë fund agresionit të paligjshëm në Ukrainë, duke theksuar se e gjithë bota dëshiron një paqe që respekton Kartën e OKB-së dhe parimet e OSBE-së.
Sipas saj, çdo gjë më pak se kaq, do të kishte pasoja shumë të rrezikshme për të gjithë botën.

Ministrja për Evropën dhe Punët e Jashtme, Olta Xhaçka, e cila ndodhet në Mynih në kuadër të Konferencës së Sigurisë ka zhvilluar sot pasdite një takim me Sekretarin britanik të Shtetit për Punët e Jashtme, Komonuealthin dhe Çështjet e Zhvillimit, James Cleverly.
Gjatë takimit u diskutuan rrugët për zbatimin konkret të Komunikatës së Perbashkët të dy Kryeministrave, në të gjitha fushat që ajo mbulon, si zbatimi i kuadrit ligjor për bashkëpunimin në luftën kundër emigracionit të paligjshëm, forcimi i bashkëpunimit ekonomik, etj.

Ministrja për Evropën dhe Punët e Jashtme, Olta Xhaçka, ka zhvilluar një takim me Ndihmës Sekretaren e Shtetit për Byronë e Popullsisë, Refugjatëve dhe Migracionit, Julieta Valls Noyes.
Ministrja Xhaçka dhe Ndihmës Sekretarja Noyes diskutuan mbi partneritetin e fortë Shqipëri-SHBA dhe bashkëpunimin e mundshëm në të ardhmen mes dy vendeve.
Kryediplomatja shqiptare u shpreh krenare për rolin e Shqipërisë në strehimin dhe transferimin e afganëve dhe për ndihmën e dhënë ndaj tyre.

Më datë 7 shkurt, Ministrja për Evropën dhe Punët e Jashtme, Olta Xhaçka, zhvilloi një takim pune me Kryetarin e Komitetit Ushtarak të NATO-s, Admiral Rob Bauer, i cili ndodhet në Tiranë në kuadër të një vizite zyrtare pune, gjatë së cilës zhvilloi një seri takimesh me Autoritetet më të larta në Shqipëri.