Të nderuar miq,

Kemi kënaqësinë t'ju njoftojmë se me rastin e Festës Kombëtare,  Ambasada e Shqipërisë në Belgjikë dhe Misioni i Shqipërisë pranë Bashkimit Europian, organizojnë më 28 nëntor "Ditën e Shqipërisë".

Kjo Ditë do të fillojë me Ceremoninë e ekspozimit të Manneken Pis të veshur me Kostum Kombëtar shqiptar, e cila do të zhvillohet në orën 13:00 pranë kësaj statuje.  

Menjëherë pas kësaj Ceremonie, në orën 14:00, Ambasadorja Suela Janina fton miqtë shqiptarë dhe belgj në një koktejl në përfaqësinë diplomatike në adresë: Rue Tenbosch 30, 1000 Bruxelles.

Në ambjentet e brendshme të selisë diplomatike, të ftuarit do të kenë rastin të vizitojnë edhe dy ekspozita të hapura me këtë rast:

*Ekspozita ‘Legjendat Shqiptare’, me autor Gjergj Kola, bashkatdhetar me qëndrim në Itali.

*Ekspozitë me fotot fituese të konkursit ‘Colours of Albania’, me pamje nga Shqipëria.

Jeni të mirëpritur të festojmë së bashku Festën Kombëtare!

Lutemi për konfirmimin e pjesëmarrjes tuaj në adresën elektronike: mission.eu@mfa.gov.al

Ambasada e Republikës së Shqipërisë në Belgjikë

Misioni i Republikës së Shqipërisë pranë Bashkimit Europian

Bruksel