Shqip
English
Është mbajtur në Shkup, mbledhja e dytë e përbashkët mes qeverisë së Republikës së Shqipërisë dhe asaj të Maqedonisë së Veriut, ku u nënshkruan në total 21 marrëveshje.
Ministrja për Evropën dhe Punët e Jashtme, Olta Xhaçka dhe homologu Bujar Osmani nënshkruan dy memorandume bashkëpunimi: ai për digjitalizimim e shërbimeve konsullore
dhe për bashkëpunimin në fushën e trajnimeve diplomatike.
Ky memorandum synon forcimin e bashkëpunimit ndërmjet Ministrive të Punëve të Jashtme të vendeve tona, por këtë herë në fushën e trajnimeve diplomatike, nëpërmjet Akademive Diplomatike të cilat angazhohen në ndërtimin e një kuadri ligjor/rregullator dhe hartimin e programeve të punës në fushën e trajnimeve, për të cilat palët do të dakortësohen gjatë rrugës.
Takim i parë i dy qeverive, është mbajtur në Pogradec, më datë 15 dhjetor 2017.
