Ministrja për Evropën dhe Punët e Jashtme, Olta Xhaçka, mori pjesë në takimin e  jashtëzakonshëm online të Këshillit të Atlantikut të Veriut, në format të Ministrave të Punëve të Jashtme. 
Në fokus të takimit ishte diskutimi rreth pozicionimit të forcave ushtarake të Rusisë në dhe rreth Ukrainës dhe çështje më të gjera të sigurisë evropiane.
Në ndërhyrjen e saj, Ministrja Xhaçka nënvizoi rëndësinë strategjike të unitetit dhe kohezionit të vendeve të NATO-s përballë sfidave aktuale për sigurinë evropiane.

Ministrja për Evropën dhe Punët e Jashtme, Olta Xhaçka, mori pjesë në takimin e Ministrave të Jashtëm të Ballkanit Perëndimor, organizuar në Londër me ftesë të Sekretares britanike për Punët e Jashtme, Elizabeth Truss, me pjesëmarrjen edhe të përfaqësuesve të lartë të BE, SHBA e Britanisë së Madhe, Lajcak, Eskobar dhe Sir Peach.
Ministrja Xhaçka u shpreh se mbështetja e aleatëve të Ballkanit Perëndimor vjen si një sinjal mbështetjeje të vazhduar për rajonin dhe si një garanci që rajoni do të vazhdojë të avancojë në rrugën e integrimit Euro-Atlantik.

Ambasadorja Enkeleda Merkuri zhvilloi një takim të frytshëm me Drejtorin e  Përgjithshëm të SIEA - Agjensisë për Energjinë dhe Inovacionin, Peter Blaskovic. Fokusi i bashkëbisedimit ishte vendosja e bashkëpunimeve me homologët shqiptarw në këto dy fusha me interes të vecantë për ekonomitë tona, ndarja e praktikave dhe eksperiencave më të mira në këtë drejtim, shkëmbimi i vizitave në nivel drejtuesish e ekspertësh, si dhe  përgatitja e projekteve të përbashkëta në të ardhmen

Nje mbrëmje plot interes me studentët shqiptarë në ambientet e Ambasadës e RSH në Bratislavë. Ambasadorja Mërkuri, duke uruar mirëseardhjen shprehu kënaqësinë e saj për rikthimin në traditën e bukur të mbledhjeve të rregullta në Përfaqësi, aq më tepër që ky takim përkon me fillimin e muajit Nëntor, duke hapur siparin e aktiviteteve të “Nëntorit Shqiptar”. Këtë herë përvec të rinjve që jetojnë e studiojnë në Sllovaki, merrnin pjesë edhe studentë shqiptarë që kanë përfituar nga program Erasmus, të nënshkruara së fundmi mes institucioneve akademike shqiptare me ato sllovake.