Asambleja e 24-të e Përgjithshme e Organizatës Botërore të Turizmit (UNWTO) u mbajt në Madrid nga 30 nëntori deri më 3 dhjetor 2021 me pjesëmarrjen e më shumë se 1000 përfaqësuesve të qeverive, kompanive dhe organizatave ndërkombëtare nga 135 vende, duke përfshirë Shqipërinë.
 
Delegacioni shqiptar kryesohej nga zv.ministrja e Turizmit në Ministrinë e Turizmit dhe të Mjedisit, znj. Vilma Bello.
 

Me rastin e Ditës së Flamurit dhe 109 vjetorit të Pavarësisë, Ambasada Shqiptare në Madrid pati kënaqësinë të japë një pritje, të organizuar në datë 25 nëntor, 2021. Në nderim të kësaj dite të madhe morën pjesë personalitete të autoriteteve spanjolle, ambasadorë, miq, dashamirës dhe gjithashtu përfaqësues të komunitetit shqiptar në Spanjë.
 

Mbrëmje interesante për Shqipërinë, organizuar më datë 16 shtator 2021, nga “Real Casino Madrid” dhe “Academia Diplomatica” me temë “Të zbulojmë Shqipërinë”

Një falënderim më se të përzemërt për organizatorët.

Prezantuan dhe diskutuan në panel:

Z. Gazmend Barbullushi, ambasador i Shqipërisë në Madrid

Z. Manuel Montobio, ambasador i parë i Spanjës në Tiranë, diplomat, shkrimtar dhe autor i  pesë botimeve kushtuar Shqipërisë

Z. Santiago de la Vela, kryetar ekzekutiv i Akademisë Diplomatike

Me urdhrin përkatës të ministrit të Brendshëm, që nga data 7/6/2021 të huajt nga vendet e treta, ku përfshihet dhe Shqipëria, të vaksinuar të paktën 14 ditë para udhëtimit, do të lejohen të hyjnë në territorin e Spanjës pa kufizime.

Udhëtarët si më sipër duhet të dëshmojnë me dokument vaksinimin e plotë të tyre dhe pranohen vetëm vaksinat e aprovuara nga Agjencia Evropiane e Barnave (EMA) ose nga Organizata Botërore e Shëndetësisë (OBSH). Këtu përfshihen: Pfizer-BioNTech, Moderna, AstraZeneca, Janssen, Sinopharm dhe Sinovac-CoronaVac.