Shqip
English
Si për çdo vit, në bazën ajrore të forcave të NATO-s, në Torrejon të Spanjës, më datë 15 dhjetor 2020 u mbajt Dita e Shqipërisë me rastin e përvjetorit të 108të të pavarësisë. Ambasadori i RSH në Madrid, SHTZ Gazmend Barbullushi, ishte i ftuari i nderit dhe u prit nga komandanti i bazës, SHTZ LTG Fernando de la Cruz, dhe u shoqërua nga Kapiteni Anton Millja. Në prani të forcave ushtarake të bazës, të përbërë nga ushtarakë nga të gjitha vendet anëtare, u luajt Himni dhe u ngrit Flamuri Kombëtar i Republikës së Shqipërisë. .
Në përshëndetjen e rastit ambasadori theksoi angazhimin e Shqipërisë në përbërje të forcave të Aleancës dhe rolin e saj si kontribuuese për sigurinë në rajon e më gjërë. Ky vit ka qenë i vështirë të të gjithë, është shprehur ambasadori, por ka treguar se qëndrojmë pranë njëri tjetrit më shumë se kurrë më parë e në solidaritet të plotë.
Krenarë të jemi anëtarë të NATO-s dhe të ndajmë vlerat e saj!
