Më 14-15 qershor 2024, në Lucernë, Zvicër, mbi 100 udhëheqës e përfaqësues botërorë u mblodhën për Samitin e Paqes në Ukrainë. Shqipërinë në këtë ngjarje të rëndësishme e përfaqësuan Presidenti i RSH-së,z.Bajram Begaj dhe Ministrja e Shtetit për Marrëdhëniet me Parlamentin, znj. Elisa Spiropali.
Samiti ka për qëllim të nxisë dialogun dhe bashkëpunimin midis kombeve për të promovuar paqen dhe stabilitetin në Ukrainë.
Vendi yn po luan një rol aktiv në këto diskutime të rëndësishme ndërkombëtare.

Një grup intelektualësh shqiptarë, siç janë: Adem Kicaj, Dashnim Hebibi, Rafet Ademi, Perparim Sabriu, me mbështetje të Ambasadës së RSH-së dhe veprimtarëve të tjerë në Zvicër kanë ndërmarrë një iniciativë të rëndësishme për ta emërtuar një shesh në qytetin Lugano me emrin e aktorit të madh shqiptar Aleksandër Moisiut (Moissi). Për të marrë mbështetjen e nevojshme për këtë projekt, ata u pritën dje nga Ambasadori i RSH-së në Bernë, z.Mustafa Nano dhe Sekretari i Parë Valon Gashi.

Me mbështetjen e Ambasadës së RSH-së në Bernë dhe në përpjekje për të promovuar dhe ruajtur kulturën dhe gjuhën shqiptare ndër breza, një klasë e re e mësimit të gjuhës shqipe është hapur në qytetin e Romanshorn, Kanton Turgau.
Hapja e klasave të reja dhe përpjekja e Ambasadës, ka për qëllim të ofrojë mundësi të reja për fëmijët shqiptarë që jetojnë në këtë zonë, duke i ndihmuar ata të mësojnë dhe përforcojnë gjuhën e tyre amtare.
Mësimi filloi të mërkurën dhe zhvillohet nga mësuese Valbona Alili, të cilës Ambasada I uron suksese!

Më datë 11 dhe 12 maj 2024, në Uster të Zyrihut u mbajt Panairi i Bizneseve Shqiptare nga Lugina. Panairi “Lugina2024", i organizuar për herë të dytë nga Fondit Humanitar për Preshevë, Bujanoc dhe Medvegjë, në bashkëpunim me Unionin e Bizneseve Shqiptare të Luginës së Preshevës, ofron mundësi bizneseve nga Lugina të prezantojnë produktet dhe shërbimet e tyre në Zvicër duke kërkuar mundësi për futjen e tyre në tregun zviceran dhe lidhjet e reja me bizneseve shqiptar-zvicerane që veprojnë në Zvicër.