Shqip
English
Në vijim të takimeve me përfaqësuesit e Shoqatave të Luginës së Preshevës në Zvicër, në ambientet e Ambasadës së RSH në Bernë, Ambasadori I.Gjoni dhe Këshilltari i Ambasadës V. Gashi kanë pritur tre grupe të të ndara të përfaqësueseve të shoqatave të Luginës që veprojnë në Konfederatën Zvicerane.
Biseda është fokusuar në çështjet që lidhen me mundësitë e bashkëpunimit mes Ambasadës dhe Shoqatave. U bisedua për konkretizimin e bashkëpunimit, si dhe mundësinë e unifikimit të këtyre shoqatave në një Union.
Të treja grupet e pjesëmarrëseve në takim, theks të veçantë i kanë dhënë domosdoshmërisë për të qenë të unifikuar dhe shprehën gatishmërinë për bashkëpunim dhe unifikim.
Faza vijuese, pas takimeve të mbajtura deri tani, do të jetë konkretizimi i angazhimeve të ndërmarra nga të gjithë aktorët e kësaj iniciative.
