Në kuadër të vizitës në Landin e North Rhine-Westphalia, Kryeministri i Republikës së Shqipërisë, z. Edi Rama, mori pjesë më 1 korrik 2026, si i ftuar nderi në RuhrSummit 2026 në Bochum.

Në fjalimin kryesor me temën “AI, Pushteti dhe Progresi: Rimendimi i Lidershipit për një Epokë të Re”, Kryeministri ndau vizionin e tij mbi ndikimin e inteligjencës artificiale në qeverisje, ekonomi dhe zhvillimin e shoqërive moderne.

Pjesëmarrja në një nga ngjarjet më të rëndësishme të inovacionit dhe sipërmarrjes në Gjermani rikonfirmon angazhimin e Shqipërisë për të qenë pjesë aktive e transformimit teknologjik dhe bashkëpunimit ndërkombëtar.