Shqip
English 
Ελληνικά
Ambasadorja e Republikës së Shqipërisë, znj. Luela Hajdaraga zhvilloi një takim me Ministrin Alternat të Punëve të Jashtme për Çështjet Evropiane, z. Miltiadis Varvitsiotis. Në këtë takim, shumë miqësor dhe konstruktiv, u diskutua mbi ecurinë e bashkëpunimit mes dy vendeve, me fokus të veçantë, në hapjen e negociatave për anëtarësimin e Shqipërisë në Bashkimin Evropian.
Ambasadorja Hajdaraga, u shpreh se Shqipëria i ka plotësuar të gjitha kushtet lidhur me kërkesat e Këshillit Evropian të marsit të 2020-të dhe pret, sa më shpejtë, aprovimin e Kuadrit Negociues dhe mbajtjen e Konferencës së Parë Ndërqeveritare.
Në këtë kuadër, Ministri Varvitsiotis vlerësoi progresin e shënuar nga Shqipëria, duke theksuar mbështetjen e plotë të Greqisë për hapjen e negociatave.
