Shqip
English 
Ελληνικά
Athinë - Ministri i Drejtësisë, z. Ulsi Manja zhvillon takime në Parlamentin e Greqisë: Konfirmohet vullneti i përbashkët politik për forcimin e mëtejshëm të marrëdhënieve mes dy vendeve.
Gjatë vizitës së tij në Greqi, Ministri i Drejtësisë, z. Ulsi Manja u takua me z. Charalampos Athanasiou - Kryetar i Komisionit për Etikën Parlamentare, z. Athanasios Bouras - Kryetar i Komisionit për Institucionet dhe Transparencën, si dhe z. Maximos Charakopoulos - Kryetar i Komisionit për Administratën Publike, Rendin Publik dhe Drejtësinë.
Në fokus të bisedës ishin: politikat e përbashkëta për forcimin e marrëdhënieve dhe bashkëpunimit dypalësh mes Shqipërisë dhe Greqisë, si vende fqinje, mike dhe partnerë strategjikë; minoriteti grek në Shqipëri dhe komuniteti shqiptar në Greqi, si ura të forta miqësie dhe bashkëpunimi mes dy vendeve; forcimi i mëtejshëm i bashkëpunimit ndërparlamentar dhe roli i parlamenteve në drejtim të forcimit të marrëdhënieve bilaterale; shkëmbimi i eksperiencave lidhur me organizimin dhe veprimtarinë e komisioneve të sipërpërmendura në Parlamentet respektive, etj.
