Shqip
English 
Ελληνικά
Ambasada e RSH-së në Athinë në bashkëpunim me Zyrën e Interesave të Kosovës në Athinë organizuan në ambientet e ambasadës aktivitetin kulturor "Nëntori Shqiptar në shpirtin e një artisti".
Në këtë aktivitet, zhvilluar në kuadër të festave kombëtare, morën pjesë krijues të shquar shqiptarë të fushave të ndryshme të artit, të cilët jetojnë e punojnë në Greqi, si edhe të ftuar specialë artistë të mirënjohur grekë.
Piktorë, skulptorë, poetë, shkrimtarë, skenaristë, aktorë, regjizorë, së bashku me veprat e tyre dhe artëdashësit, krijuan një atmosferë të ngrohtë dhe miqësore, ku kryefjala e derdhur nëpër telajo, vargje dhe skulpturë ishte malli për atdheun.
Artistët tanë, krenaria jonë, ambasadorët e kulturës shqiptare në Greqi, të cilët me artin e tyre krijojnë ura miqësie mes popujve tanë, me veprat e krijuara enkas gjatë ditës në ambientet e Ambasadës, e kthyen atë në Shtëpinë e Artistëve dhe ne do t’i mirëpresim gjithnjë krahëhapur.
