Shqip
English 
Ελληνικά
Libri i z. Bashkim Zeneli “Miqësi e trazuar”, i promovuar në ambientet e ambasadës bëri bashkë diplomatë, gazetarë dhe shkrimtarë.
Z. Zeneli, i cili ka shërbyer më parë si ambasador në Ambasadën Athinë, në këtë libër i ka përcjellë marrëdhëniet me Greqinë jo vetëm në këndvështrimin e një diplomati, por edhe në atë të politikanit dhe gazetarit, çka e ka ndihmuar të kryejë me sukses misionin e tij.
Gjatë aktivitetit, Ambasadorja znj. Luela Hajdaraga vlerësoi tempin realist, bashkëkohor e pozitiv në marrëdhëniet shqiptaro-greke që përshkon këtë libër, si dhe përqasjen e z. Zeneli ndaj vendit fqinj, ku detyra e një ambasadori është të punojë për t'i çuar përpara marrëdhëniet mes dy vendeve.
Përvoja e dhënë nga z. Zeneli në librin “Miqësi e trazuar” përbën një vlerë në fushën e diplomacisë dhe mund të shërbejë si një almanak për diplomatët e rinj.
