Misioni:
Seksioni për Çështjet Ekonomike dhe Tregtare e Ambasadës së Republikës së Shqipërisë në Greqi synon forcimin e rolit të diplomacisë ekonomike në shërbim të zhvillimit ekonomik dhe interesave strategjike të Shqipërisë.
Objektivat:

• Nxitja e bashkëpunimit ekonomik dhe tregtar mes dy vendeve.
• Rritja e eksporteve shqiptare në Greqi.
• Rritja e investimeve greke në Shqipëri.
• Promovimi i bizneseve shqiptare.
• Rritja e ndërgjegjësimit dhe nxitja e interesit të aktorëve grekë për tu përfshirë dhe investuar në sektorët strategjikë të ekonomisë dhe tregtisë shqiptare.
• Zgjerimi i kuadrit të bashkëpunimit ekonomik ndërshtetëror dhe ndërinstitucional, duke inkurajuar dhe promovuar marrëdhëniet dypalëshe.
• Mbështetja dhe lehtësimi i përpjekjeve të kompanive shqiptare që duan të hyjnë/zgjerohen në tregun grek.
• Promovimi i markës së vendit për të tërhequr më shumë turistë.

Detyrat:

• Lehtësimi dhe bashkërendimi i bashkëpunimit dypalësh në sektorin publik dhe privat.
• Ndërmjetësimi midis autoriteteve shqiptare dhe greke të të gjitha niveleve në lidhje me bashkëpunimin ekonomik, tregtar dhe turizmin.
• Mbështetja e kompanive shqiptare për të hyrë apo forcuar aktivitetin e tyre në Greqi.
• Promovimi dhe mbështetja e eksporteve të produkteve apo shërbimeve shqiptare në tregun grek.
• Mbështetje, informim dhe promovim i tregut shqiptar për të thithur sa më shumë investime greke.
• Asistencë nëpërmjet postës elektronike ndaj çdo interesimi nga kompanitë shqiptare për informacion lidhur me tregun grek.
• Mbështetje ndaj rrjetëzimit të bizneseve shqiptare në Greqi, me krijimin e një platforme gjithëpërfshirëse si dhe organizimin e forumeve, konferencave dhe takimeve B2B.
• Pjesëmarrje në aktivitete me karakter ekonomik, tregëtar dhe turistik, me qëllim përcjelljen e informimit pranë grupeve të interesit për tregun shqiptar apo grek.

 
Na kontaktoni:
 
Posta elektronike:  eccom-office.athens@mfa.gov.al
Telefon: 210 6876225
Fax:       210 68 76 223
Adresa:  Vekiareli 7, 15237, Filothei