Shqip
English 
Ελληνικά
Në kuadër të vizitës në Kretë, Ambasadorja, znj. Luela Hajdaraga, e shoqëruar nga Oficerja Koordinuese për Diasporën, znj. Joneda Dodaj, Kryetari i shoqatës “Bashkimi Shqiptar Iraklio”, z. Vangjel Halilaj dhe Sekretari i Përgjithshëm i Lidhjes së Shoqatave Shqiptare në Kretë, z. Kristo Dule, zhvilloi një takim konstruktiv në mjediset e Prefekturës Iraklio me Këshilltarin Rajonal, të Ngarkuar për Çështjet e Kulturës dhe Diasporën Greke, z. Kostas Fasoulakis.
Në fokus të bisedimeve ishin:
- Forcimi i bashkëpunimit mes dy vendeve në nivelin e pushtetit vendor;
- Njohja e problematikave të çështjeve të komunitetit shqipar;
- Hapja e një Qendre Kulturore në dobi të komunitetit shqiptar;
- Përfshirja e shtetasve shqiptarë në Këshillin e Qarkut dhe Këshillin Bashkiak;
- Hapja e klasave të reja për mësimin e gjuhës shqipe;
- Binjakëzimi i Bashkive Iraklio-Tiranë;
- Shkëmbimi i përvojave dhe praktikave më të mira në fushën e turizmit.
