Shqip
English 
Ελληνικά
Me rastin e Ditës Ndërkombëtare të Gruas, Ambasadorja znj. Luela Hajdaraga iu bashkua Tryezës së Rrumbullakët të bashkëbisedimit të Ambasadoreve zonja me të ftuarën e nderit, Zëvendës Ministren e Punës dhe Çështjeve Sociale të Greqisë, znj. Maria Syrengela, organizuar nga Ambasadorja e Belgjikës në Athinë, znj. Françoise Gustin.
Nën moton vjetore, “Barazi gjinore sot, për një të nesërme të qëndrueshme”, pjesëmarrëset reflektuan mbi këtë temë, duke sjellë përvojat e tyre për rolin dhe kontributin e grave në diplomaci dhe politikë, promovimin e barazisë gjinore në të gjitha sferat e shoqërisë së sotme, rritjen e angazhimit të tyre në përballje me sfidat e mëdha kombëtare dhe globale, nga paqja e siguria tek zhvillimi ekonomiko-social dhe mirëqënia.
