
Ministrja e Arsimit, Sportit dhe Rinisë Evis Kushi ka pritur Ministrin e Punëve të Jashtme dhe Tregtisë të Hungarisë Szijjártó Péter.
Gjatë takimit, dy ministrat kanë nënshkruar edhe Marrëveshjen e Bashkëpunimit mes Shqipërisë dhe Hungarisë për programin “Stipendium Hungaricum” 2021-2024, falë të cilit çdo vit 20 studentë shqiptarë do të kenë bursë nga qeveria hungareze për të studiuar në vendin e tyre.
Gjatë takimit u bisedua gjithashtu për traditën shumë të mirë të bashkëpunimit ndër vite mes dy vendeve në fushën e arsimit, kulturës dhe shkencës.
12 shkurt 2021