Shqip
English
Ministrja për Evropën dhe Punët e Jashtme, znj. Olta Xhaçka priti sot Ministrin hungarez të Punëve të Jashtme dhe Tregtisë, z. Peter Szijjarto, i cili zhvilloi sot një vizitë zyrtare në Tiranë. Biseda u përqendrua në marrëdhëniet dypalëshe, politike, ekonomike, kulturore, etj., si dhe në ecurinë dhe sfidat e procesit të integrimit për Shqipërinë. Ministri Szijjarto rikonfirmoi mbështetjen hungareze për Shqipërinë në rrugëtimin drejt integrimit në BE, si dhe foli për interesin e disa kompanive hungareze për të investuar në vend. Nga ana e saj, Ministrja Xhaçka i shprehu mirënjohjen për mbështetjen e deritanishme, si dhe për atë të dhënë pas tërmeteve të shtatorit dhe nëntorit 2019. Njëkohësisht e siguroi homologun e saj se biznesi hungarez do të gjejë në Shqipëri një mjedis miqësor dhe mikpritës. 12 shkurt 2021
