Rreth Marrëdhënieve Dypalëshe
 
Marrëdhëniet diplomatike midis Republikës së Shqipërisë dhe Shtetit të Katarit u vendosën më 26 gusht 1992. Marrëdhëniet midis dy vëndeve janë zhvilluar në mënyrë miqësore e të qëndrueshme.
Shqipëria hapi ambasadën e saj në Doha në janar të vitit 2011 dhe një vit më pas, në janar 2012, Shteti Katarit hapi ambasadën e tij në Tiranë.
Marrëdhëniet konfirmohen dhe nga realizimi i vizitave të niveleve të larta si dhe nënshkrimi i një sërë marrëveshjesh të rëndësishme në mbështetje të zhvillimit të qëndrueshëm dhe institucionalizimit të bashkëpunimit.
 

Vizita të viteve të fundit:
 
9-10 Shkurt 2014 – Ministri  i Punëve të Jashtme, Z. Ditmir Bushati zhvilloi një vizitë pune në Doha.
12-14 Prill 2014 - Kryeministri Z. Edi Rama zhvillon vizitë në Katar.
10-11 Mars 2015 – Presidenti Z.Bujar Nishani zhvillon vizitë në Katar.
Gusht 2015 – Sheiku Hamad bin Khalifa Al Thani (Father Emir), zhvilloi një vizite private në Gjirokastër.  
Gusht 2018 – Sheiku Hamad bin Khalifa Al Thani (Father Emir), zhvilloi një vizite private në Sarandë dhe rivieren shqiptare.
6-10 Prill 2019 – Kryetari i Kuvendit Z.Gramoz Ruçi zhvillon vizitë në Doha në kuadër të Unionit Ndërparlamentar.
15-17 Prill 2019 – Kryeministri Z. Edi Rama zhvillon vizitë në Katar.
 

Baza ligjore midis dy vendeve

Marrëveshje të nënshkruara:
 

1. Marrëveshje mbi bashkëpunimin ekonomik, tregtar dhe teknik ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit, nënshkruar 10.3.2009, hyrë në fuqi më 12.8.2009.
2. Memorandum Mirëkuptimi ndërmjet Ministrisë së Punëve të Jashtme të Republikës së Shqipërisë dhe Ministrisë së Punëve të Jashtme të Shtetit të Katarit, nënshkruar më 18.10.2011, hyrë në fuqi më 17.9.2012.
3. Marrëveshje ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit për shmangien e tatimit të dyfishtë dhe parandalimin e evazionit fiskal në lidhje me tatimin mbi të ardhurat, nënshkruar më 18.10.2011, hyrë në fuqi më 2.7.2012.
4. Marrëveshje ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit për Nxitjen dhe Mbrojtjen Reciproke të Investimeve, nënshkruar më 18.10.2011, hyrë në fuqi më 6.8.2012.
5. Marrëveshje ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit për shërbimet ajrore, nënshkruar më 18.10.2011,hyrë në fuqi më 13.8.2012.
6. Marrëveshje ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit mbi bashkëpunimin kulturor, nënshkruar më 18.10.2011, hyrë nëfuqi më 10.4.2012. 
7. Memorandum mirëkuptimi ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit për bashkëpunimin në fushën e turizmit, nënshkruar më 18.10.2011.
8. Marrëveshja mbi themelimin e Këshillit te Biznesit te Përbashkët ndërmjet Dhomës se Tregtisë dhe Industrisë së Katarit dhe Unionit të Dhomave të Tregtisë dhe Industrisë së Shqipërisë, nënshkruar më 18.10.2011.
9. Marrëveshje për bashkëpunim dypalësh dhe shkëmbim të lajmeve ndërmjet Agjencisë Telegrafike Shqiptare dhe Agjencisë së Lajmeve të Katarit, nënshkruar më 18.10.2011.
10. Marrëveshje binjakëzimi ndërmjet Bashkisë së Tiranës në Republikën e Shqipërisë dhe Bashkisë së Dohas në  Shtetin e Katarit, nënshkruar më 12.2.2012, hyrë në fuqi në datën e nënshkrimit.
11. Marrëveshje për heqjen e vizave për mbajtësit e pasaportave diplomatike dhe të shërbimit ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit, nënshkruar më 26.3.2012.
12. Memorandum mirëkuptiminë fushën e mbrojtjes së mjedisit ndërmjet Ministrisë së Mjedisit, Pyjeve dhe Administrimit të Ujërave të RSH-së dhe Ministrisë së Mjedisit të Shtetit te Katarit, nënshkruar më 13.5.2012, hyrë në fuqi në datën e nënshkrimit.
13. Memorandum Mirëkuptimi për një ndryshim në aneksin e Marrëveshjes për shërbimet ajrore ndërmjet Këshillit të Ministrave të RSH-së dhe Qeverisë së Shtetit të Katarit, nënshkruar më 24.1.2013, hyrë në fuqi më 20.2.2013.
14. Marrëveshje ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit në lidhje me Rregulloren e Punësimit të Qytetarëve të Republikës së Shqipërisë në Shtetin e Katarit, nënshkruar në Doha më 13.4.2014, hyrë në fuqi më 30.9.2014.
15. Memorandumi i Bashkëpunimit në fushën e shëndetësisë ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit, nënshkruar në Doha, më 13.4.2014, hyrë në fuqi më 30.9.2014.
16. Marrëveshja mbi transportin detar ndërmjet Këshillit të Ministrave të Republikës së Shqipërisë dhe Qeverisë së Shtetit të Katarit, nënshkruar në Doha, më 16.4.2019.Memorandum mirëkuptimi për bashkëpunimin në fushën e sporteve ndërmjet Qeverisë së Republikës së Shqipërisë dhe Qeverisë së Shtetit të Katarit, nënshkruar në Doha, më 16.4.2019.
17. Letra e qëllimit për bashkëpunimin në fushën e sigurisë ndërmjet Ministrisë së Brendshme të Republikës së Shqipërisë dhe Ministrisë së Brendshme të Katarit, nënshkruar në Doha më 16.4.2019.