Articles

Sllovakia mbështet fuqimisht çeljen e negociatave të Shqipërisë me Bashkimin Evropian

Albanian

Ministri në Detyrë për Evropën dhe Punët e Jashtme, Gent Cakaj, zhvilloi një vizitë zyrtare në Bratislavë, ku u prit nga Ministri i Punëve të Jashtme dhe Evropiane të Republikës Sllovake, Miroslav Lajčák.  Kjo ishte vizita e parë zyrtare në nivel Ministri e realizuar në Sllovaki prej mëse dy dekadash.
Takimi i zhvilluar pati në fokus marrëdhëniet dypalëshe, integrimin në BE, bashkëpunimin në kuadër të OSBE-së dhe bashkëpunimin rajonal.

Shqipëria në NATO - Një histori suksesi tashmë 10 vjeçare

Albanian

Një kënaqësi e veçantë biseda e Ambasadorit Ilir Tepelena dhe Kolonel Arben Dhuli me Atashetë Ushtarak të vendeve anëtare të NATO-s në Bukuresht lidhur me 10 vjetorin e një historie suksesi të anëtarësimit të Shqipërisë në Aleancën më të fuqishme të historisë së njerëzimit. #WeAreNATO

Austria mbështet Shqipërinë për çeljen e negociatave në prag të publikimit të progres raportit të Komisionit Evropian

Albanian

Ministri në Detyrë Cakaj zhvilloi një takim në Austri me homologen Karin Kneissl.
Në përfundim të takimit me homologen e tij Austriake Cakaj u shpreh se Austria do ta mbështesë Shqipërinë në integrimin e saj Evropian. Ministri në Detyrë Gent Cakaj, tha se Austria do t’i ofrojë Shqipërisë mbështetje diplomatike dhe teknike për kryesimin e OSBE-së që do të marrë Shqipëria në vitin 2020.
Gjithashtu Cakaj bëri me dije se fokusi i takimit ishte edhe rritja e bashkëpunimit dypalësh në fushën e ekonomisë, veçanërisht për rritjen e investimeve të huaja në Shqipëri.

Ministri në Detyrë Cakaj në Ministerialin e Procesit të Berlinit: Investimi në Ballkanin Perëndimor dhe integrimi i tij në BE në interes të vetë BE-së

Albanian

Ministri në Detyrë për Evropën dhe Punët e Jashtme Gent Cakaj, në takimin e Ministrave të Jashtëm të vendeve të Procesit të Berlinit, mbajtur në Varshavë të Polonisë, u shpreh se investimi për një Ballkan Perëndimor më të integruar e më të zhvilluar është në interesin e vetë Bashkimit Evropian.
“Investimi i gjithanshëm politik, ekonomik, social dhe kulturor në Ballkanin Perëndimor, i kurorëzuar me integrimin në BE, është në interesin e përbashkët të të gjithëve, përfshi Evropën, për një kontinent të paqtë, të lirë dhe me një të ardhme më të begatë,” u shpreh Cakaj.

Cakaj – Fondacioni Heritage: Rëndësia e lidershipit amerikan në rajonin e Ballkanit Perëndimor

Albanian

Ministri në Detyrë për Evropën dhe Punët e Jashtme Gent Cakaj, zhvilloi një takim me ZëvendësPresidentin e Fondacionit Heritage, James Carafano dhe grupin e ekspertëve të këtij fondacioni për çështjet e politikës së jashtme, sigurisë dhe ekonomisë.
Takimi kishte për qëllim shkëmbimin e mendimeve rreth zhvillimeve gjeopolitike të rajonit të Ballkanit, sfidat me të cilat përballet rajoni dhe domosdoshmërinë e vëmendjes dhe prezencës së SHBA në rajon.

Cakaj-Palmer: Vlerësohet roli i Shqipërisë në Ballkanin Perëndimor, angazhimet në NATO dhe OSBE

Albanian

Gjatë qëndrimit në Uashington Ministri në Detyrë Cakaj, zhvilloi një takim në Departamentin Amerikan me Zëvendës Ndihmës Sekretarin e Shtetit për Çështjet Evropiane dhe të Euroazisë, z.Matthew Palmer.
Gjatë këtij takimi Ministri në Detyrë Cakaj dhe z. Palmer shkëmbyen mendime në lidhje me zhvillimet më të fundit në Ballkanin Perëndimor, rolin e Shqipërisë atje, marrëdhëniet e saj me vendet fqinje, si dhe perspektivat integruese të vendeve të rajonit në strukturat euro-atlantike.

Drejt një bashkëpunim edhe më dinamik në fushën e ekonomisë mes Shqipërisë dhe Rumanisë

Albanian

Një takim i frytshëm dhe një diskutim i hapur mes Ambasadorit Ilir Tepelena dhe Sekretares të Shtetit, Gabriela M. Voicila, në Ministrinë rumune për Mjedisin e Biznesit, Tregëtinë dhe Sipërmarrjen, lidhur me mundësinë e nxitjes dhe identifikimit të përbashkët të mundësive të reja në bashkëpunimin në fushën e tregëtisë dhe ekonomisë mes Shqipërisë dhe Rumanisë.

Cakaj -Le Drian: Franca vlerëson reformat e ndërmarra nga Shqipëria të cilat mundësojnë avancimin e saj drejtë BE-së

Albanian

Ministri në Detyrë për Evropën dhe Punët e Jashtme, Gent Cakaj ka zhvilluar një takim me Ministrin e Punëve të Jashtme të Francës, Jean Yves Le Drian gjatë Ministerialit të Ministrave të Jashtëm të NATO-s.
Gjatë këtij takimi Ministri në Detyrë Cakaj e njohu Ministrin Le Drian me progresin e reformave në pesë prioritetet në Shqipëri dhe me pritshmëritë tona për marrjen e rekomandimit pozitiv nga Komisionit në maj dhe vendimit të Këshillit Evropian për hapjen e negociatave në qershor.

Cakaj në Ministerialin e NATO-s në Uashington: 70 vjet Aleancë Euro-Atlantike

Albanian

Ministri në Detyrë për Evropën dhe Punët e Jashtme, Gent Cakaj mori pjesë në punimet e Ministerialit të jashtëm të NATO-s, i cili u mbajt në Uashington me rastin e 70 vjetorit të themelimit të Aleancës së saj.
Të mërkurën në mbrëmje ministrat u mblodhën në Andrew W.Mellon Auditorium, salla në të cilën 70 vjet më parë u firmos Traktati i Aleancës se Veriut. Aktiviteti shënoi festimin e 7 dekadave paqe, prosperiteti dhe sigurie për afro 1 miliardë njerëz të hapësirës Euro-Atlantike, si dhe një mundësi për të parë të ardhmen sëbashku.

Ministri në Detyrë Cakaj takon Kryetaren e Kongresit Amerikan Nancy Pelosi: Mirënjohje për mbështetjen e saj për forcimin e lidhjes Euro-Atlantike

Albanian

Në margjinat e takimit të përbashkët të organizuar në Kongresin amerikan me rastin e 70 vjetorit të krijimit të NATO-s, Ministri në Detyrë për Evropën dhe Punët e Jashtme Gent Cakaj, zhvilloi një takim me Kryetaren e Kongresit amerikan Nancy Pelosi.
Në këtë takim, u ndanë qëndrime të përbashkëta për sa i përket forcimit të lidhjes Euro-Atlantike dhe u nënvizua fakti se kjo lidhje ka krijuar jo vetëm siguri dhe stabilitet por edhe premisat për një zhvillim të qëndrueshëm ekonomik e forcim të shkëmbimeve politike e kulturore.

Pages

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00