Cakaj takohet me Zaev: Maqedonia e Veriut do të mbështesë Shqipërinë për Këshillin e Sigurimit

Ministri në detyrë për Evropën dhe Punët e Jashtme, Gent Cakaj, gjatë ditës së sotme ka zhvilluar një takim me Kryeministrin e Maqedonisë së Veriut, Zoran Zaev.
Cakaj, në një reagim në Facebook, u shpreh se takimi me Kryeministrin Zaev u përqendrua në mbajtjen e mbledhjes së përbashkët ndër-qeveritare dhe rëndësinë e punës së përbashkët për përparimin e mëtejmë në rrugën e anëtarësimit në Bashkimin Evropian.
“Lidhur me zhvillimet në rajon, mes tjerash, theksova se e vetmja zgjidhje e qendrueshme në procesin e bisedimeve mes Republikës së Kosovës dhe Serbisë është ajo që përfshin njohjen e ndërsjellë.” – bëri me dije Kryediplomati Cakaj.
Gjithashtu, Ministri në detyrë Cakaj, shprehu se një lajm tjetër i mirë nga kjo vizitë është edhe mbështetja e Maqedonisë së Veriut për Shqipërinë në përpjekjen për t’u bërë anëtare jo e përhershme e Këshillit të Sigurimit 2022-2023.
18/09/2020

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00