Cakaj vizitë zyrtare në Danimarkë, takon Kofod: Vijojmë punën me vendet anëtare për të përparuar drejt BE

Në kuadër të vizitës së tij zyrtare në Danimarkë, Ministri në detyrë për Evropën dhe Punët e Jashtme, Gent Cakaj zhvilloi një takim me homologun e tij, Ministrin e Jashtëm të Danimarkës, Jeppe Kofod.
“Duke vlerësuar pozitivisht bashkëpunimin dypalësh, theksuam rëndësinë e thellimit të marrëdhënieve mes vendeve tona, veçanërisht në fushën ekonomike.”- u shpreh Cakaj në një reagim në facebook lidhur me takimin.
Gjithashtu, Cakaj theksoi se Danimarka ka luajtur një rol shumë të rëndësishëm në çeljen e negociatave për Shqipërinë. Prandaj, sipas Ministrit në detyrë Cakaj, informimi i drejtë për punën që po bën Shqipëria për të zbatuar detyrimet për Konferencën e Parë Ndërqeveritare, është i pazëvendësueshëm.
“Ne do të vazhdojmë punën politike e diplomatike me gjithë vendet anëtare për të mundësuar përparimin e Shqipërisë drejt anëtarësimit në BE.”- shprehu bindshëm Cakaj.
Më tej, të dy homologët vlerësuan edhe mbështetjen e ndërsjellë për marrjen e angazhimeve si anëtarë jo të përhershëm të Këshillit të Sigurimit.
08/07/2020

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00