Ministri në Detyrë për EPJ, Gent Cakaj, takohet në Berlin, me Ministrin gjerman të Shtetit për Çështje Evropiane, Michael Roth.

Ministri në Detyrë për Evropën dhe Punët e Jashtme, Gent Cakaj gjatë vizitës së tij në Berlin, zhvilloi një takim me Ministrin gjerman të Shtetit për Çështje Evropiane, Michael Roth.
 Bashkëbiseduesit vlerësuan partneritetin e ngushtë në funksion të forcimit të lidhjeve BE-Shqipëri për të cilin Ministri Roth u shpreh se perspektiva evropiane e Shqipërisë dhe Ballkanit Perëndimor, është një nga prioritetet kryesore të Gjermanisë. 
 Roth theksoi se Shqipëria është faktor stabiliteti dhe sigurie në rajon dhe vendi duhet të vijojë punën e mirë të bërë deri tani me reformat e ndërmarra në lidhje me pesë prioritetet.
 “Procesi i Vetingut në drejtësi është një reformë e jashtëzakonshme”, tha Ministri Roth. 
 “Gjermania ka të gjithë vullnetin e mirë të vijojë të asistojë Shqipërinë dhe si dashamirës i përhershëm i Shqipërisë, shpresoj për një vendim pozitiv në qershor 2019”, u shpreh Roth në takimin me Ministrin Cakaj. 
 Nga ana e tij, Ministri në Detyrë Cakaj, nënvizoi se Shqipëria dëshiron të intensifikojë bashkëpunimin me Gjermaninë si partner, në përmbushjen e të gjitha detyrave që i janë caktuar për t’u integruar në familjen evropiane. 
 Kryediplomati shqiptar Cakaj shprehu mirënjohjen e tij ndaj Ministrit Roth, për mbështetjen dhe vullnetin pozitiv që ai personalisht dhe qeveria gjermane kanë treguar në çdo hap të rrugëtimit të Shqipërisë drejt BE-​së.

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00