Nju Jork, Xhaçka takon ambasadoren e SHBA në OKB: Shqipëria, partner dhe aleat i vyer, vlerësim për mbështetjen ndaj afganëve

21 Shtator 2021 - Gjatë qëndrimit të saj në Nju Jork, Ministrja për Evropën dhe Punët e Jashtme, Olta Xhaçka, zhvilloi një takim me ambasadoren e SHBA në Kombet e Bashkuara, Linda Thomas -Greenfield. 
Ambasadorja Greenfield vlerësoi mbështetjen humanitare që Shqipëria ka ofruar për qytetarët afganë, si dhe siguroi bashkëpunimin me një aleat e partner të vyer si Shqipëria, gjatë mandati i ardhshëm të vendit tonë në Këshillin e Sigurimit të OKB-së. 
“Një takim i shkëlqyer sot me Ambasadoren e SHBA në Kombet e Bashkuara, Linda Greenfield!  Bisedë përmbajtësore dhe e frytshme për një sërë çështjesh në të cilat vendet tona po punojnë ngushtë së bashku. Mirëpres thellimin e bashkëpunimit me miqtë dhe partnerët tanë strategjik gjatë mandatit të Shqipërisë në Këshillin e Sigurimit të Kombeve të Bashkuara”, bëri me dije ministrja Xhaçka pas takimit.

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00