Takimet e nivelit të lartë në Nju Jork, Xhaçka: Krenare për përkushtimin e Shqipërisë ndaj paqes dhe multilateralizmit

21 Shtator 2021 - Ministrja për Evropën dhe Punët e Jashtme, Olta Xhaçka, mori pjesë në hapjen e takimeve të nivelit të lartë të sesionit të 76 të OKB, në Nju Jork, në të cilin mori pjesë dhe Presidenti i SHBA, Joe Biden. 
Në postimin e saj në Facebook, Ministrja Xhaçka u shpreh krenare për përkushtimin që Shqipëria ka treguar ndaj multilateralizmit dhe zgjidhjes paqësore të konflikteve. 
"Në ditën ndërkombëtare të paqes, nisën në Nju Jork takimet e nivelit të lartë të Sesionit të 76 të Asamblesë së Përgjithshme të OKB-së. Krenare për përkushtimin e Shqipërisë ndaj multilateralizmit dhe zgjidhjes paqësore të konflikteve. Mirëpresim bashkëpunimin me të gjithë vendet partnere për të çuar më tej kauzën e paqes në botë.”
Shqipëria tanimë si anëtare jo e përhershme e KS ka si prioritet të saj kontribuimin në ruajtjen e paqes, duke adresuar sfidat globale nëpërmjet zgjidhjes paqësore të konflikteve dhe ndërmjetësimit.

Adresa

Ambasada Shqiptare
Str.Duiliu Zamfirescu no.7,
Sector1 , Bucuresti

Tel / Fax

Tel.: +40212119829
Fax.: +40212108039
Numri i emergjences: +40 733368444

E-MAIL

embassy.bucharest@mfa.gov.al

Orari zyrtar

E hënë- E premte
09:00 - 17:00