Ambasadori i RSH në Bernë Ilir Gjoni, mori pjesë në takimin e rradhës të përfaqësuesve të Ballkanit Perëndimor të organizuar nga Forumi Ekonomik Botëror i Davosit në Cologny, Gjenevë. Ky takim u organizua në vijim të takimit të Tetorit 2018 të liderve të Ballkanit Perëndimor organizuar nga Forumi Ekonomik i Davosit(WEF). Në takimin e djeshëm u diskutua për projekte konkrete në zbatim të vendimit politik të liderve të BP. Në këtë takim merrnin pjesë përfaqësues të vendeve të rajonit, zyrtarë të lartë pranë kabineteve të kryeministrave të rajonit, ambasadorë të vendeve të rajonit të atashuar pranë WEF, ambasadorë të vendeve të Vishegradit, përfaqësues të organizatave rajonale si Këshilli i Bashkëpunimit Rajonal etj. E pranishme ishte dhe këshilltarja e Kryeministrit të Shqipërisë znj. Odeta Barbullushi
Në takimin e djeshëm u diskutuan tema mbi krijimin e një qëndre në rajon për Network-un e Revolucionit të Katërt Industrial (C4IR Network) me synim kryesor bashkëhartimin e politikave të nevojshme për të përshpejtuar adoptimin e teknologjive te reja në interes të pubikut të gjjërë. Një ndër temat e diskutuara ishte dhe identifikimi i akseleratorëve të konkurrencës dhe novacionit në rajonin e BP me synim që më pas BP të jetë pjesë e rrjetit global të mësimit për bashkëzgjidhjen e probleme përmes platformës së Forumit Ekonomik Botëror. Tema të tjera me interes ishin dhe ato sa i përket qasjeve të reja lidhur me sigurinë kibernetike dhe koordinimin e përpjekjeve në nivel rajonal për adresimin e problemit të korrupsioni dhe forcimit të shtetit ligjor.
Në përfundi të takimit u vendos që liderët e Ballkanit Perëndimor të takohen sërisht në nëntor të këtij viti për të iniciuar këto nisma.