Previous Pause Next

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                     

100 Vjetori i Pavarësë së Shqipërisë me nxënësit japonezë

Submitted by ambjapan on Fri, 02/28/2014 - 09:21

Ambasada e RSH në Tokio, në kuadrin e aktiviteteve të 100 vjetorit të Pavarësisë, organizoi në shkollën fillore Kjobashi Tsukixhi që ndodhet pranë Ambasadës, një aktivitet për të prezantuar Shqipërine. Aktiviteti ishte edhe në kuadrin e 25 vjetorit të kësaj shkolle dhe për shumë nxënës dhe mësues të saj shërbeu për tu njohur me Shqipërinë, historinë, gjeografinë dhe kulturën e saj, kostumet dhe vallet e mrekullueshme shqiptare, vendlindjen e Nënë Terezës (figurë mjaft e njohur në Japoni),  gjuhën shqipe, Ambasadën Shqiptare që ndodhet pranë saj, etj.

Nxënës, mësues si dhe ish nxënës të kësaj shkolle treguan mjaft interes për vendin tonë, ndërsa mjedisi ishte zbukuruar me flamujt kuq e zi të përgatitura nga vetë nxënësit.

Me kuriozitet nxënësit mësuan dhe arritën të shqiptonin shumë mirë fjalë shqipe, ndërsa mbi të gjitha pëlqyen dhe memorizuan shkëlqyeshëm përdorimin e fjalës shqipe "Faleminderit "

Në një foto grupi, nxënësit vendosën qeleshet dhe përshëndetën me shenjën e fitores.

 

Adresa

Ambasada e Republikës së Shqipërisë
4F Hokkoku Shimbun Bldg.
6-4-8 Tsukiji, Chuo-ku.
Tokyo 104-0045

Tel / Fax

Tel. 03-3543-6861
Fax: 03-3543-6862
Nr. i emergjences: 03-3543-6861

E-MAIL

embassy.tokyo@mfa.gov.al

Orari zyrtar

E hënë – E Enjte 9.00 – 17.00
E premte 9.00 – 15.00