Shqip
English 
Ελληνικά
Ambasadorja Hajdaraga, zhvilloi një takim me kreun e sindikatës së prodhuesve dhe konservimit të frutave të Greqisë dhe njëkohësisht edhe referues i ligjit në qeverinë greke, z. Christos Janakakis.
Në fokus të takimit ishin ndryshimet e fundit ligjore lidhur me përmirësimin, përshpejtimin dhe thjeshtëzimin e procedurave të punësimit për kategorinë e punonjësve sezonalë që do të punësohen këtë vit në shtetin grek dhe votimi i tyre në parlamentin grek në ditët në vijim.
Ambasadorja Hajdaraga, vuri në dukje se falë bashkëpunimit mes dy vendeve, u bë i mundur përmirësimi i ligjit, i cili jo vetëm u thjeshton procedurat shtetasve shqiptarë që dëshirojnë të punësohen sezonalisht në Greqi, por i akseson atyre shërbim të plotë shëndetësor dhe i fut ata në skemën e pensioneve si gjithë shtetasit vendas.
