Të dhënat kryesore

Marrëdhëniet diplomatike:
Vendosur  më Prill, 1922 me njohjen e Shtetit Shqiptar nga Japonia
20 Qershor, 1930, Nënshkrimi i Marrëveshjes së Parë Tregëtare
1935, Konsullata e Nderit e Mbretërisë së Shqipërisë në Osaka
Mars, 1981 ri-vendosja e marrëdhënieve
Dhjetor, 2005 Hapja e Ambasadese RSH, Tokio
Prill, 2009: Perfaqesimi ne nivel Ambasadorial

Mars 2016, Qeveria japoneze miratoi hapjen e Ambasades se Japonise ne Tirane (hapje zyrtare ne Janar 2017)

Shtetasit japonez rezident në Shqipëri: 5

Tregtia me Japoninë:
Eksporte në Japoni:  153,000,000 ¥
Importe nga Japonia: 252,000,000 ¥

Bashkëpunimi ekonomik i Japonisë:
Ndihma-Kredi: ¥ 18,000,000,000
Grante:  ¥ 4,000,000,000
Bashkëpunimi Teknik: ¥ 1,600,000,000
 

Vizitat VIP
Nga Japonia në Shqipëri

1991, Shkurt:       Zëvendës Drejtor i Përgjithshëm për Çështje Evropiane, MPJ Japoni, z. Takashima
1994 Prill:            Zëvendës Drejtor i Përgjithshëm për Çështje Evropiane, MPJ Japoni, z. Tsumori
1999:                    Drejtori i Përgjithshëm i Departamentit të Bashkëpunimit Shumëpalëshe , MPJ Japoni, z. Ueda
2008, Nëntor:      Zëvendës Drejtori i Përgjithshëm për Çështjet Evropiane, MPJ Japoni, z. Fukushima
2009, Maj:           Zv/Ministri Parlamentar i Punëve të Jashtme , MPJ Japoni , z. Yasutoshi Nishimura
2013, Maj:           Zv/Ministri Parlamentar i Punëve të Jashtme , MPJ Japoni , z. Minoru Kiuchi
2014, Shkurt:       Zv/Ministri Parlamentar i Punëve të Jashtme , MPJ Japoni , z. Takao MAKINO

Nga Shqipëria në Japoni

1990, Nentor:      Ministri i Punëve të Jashtme, z. Reis Malile
1994, Maj:           Ministri i Punëve të Jashtme, Dr. Alfred Seregi
1998, Nentor:      Ministri i Punëve të Jashtme, z. Paskal Milo
2004, Prill:          Ministri i Punëve të Jashtme, Dr.Kastriot Islami
2006, Maj:          Ministri i Punëve të Jashtme, z. Besnik Mustafaj
2006, Dhjetor:    Ministri i Ekonomisë, Tregtisë dhe Energjetikës, z.Genc Ruli
                           Ministri i Punëve Publike, Transportit dhe Telekomunikacionit, z. Lulzim Basha
2008, Shkurt:     Kryeministri, Prof. Dr. Sali Berisha
2008, Tetor:       Ministri i Arsimit, z. Fatos Beja
2011, Nentor     Ministër i Punëve të Jashtme, z. Edmond Haxhinasto
2012, Prill         Kryetarja e Kuvendit, zj. Jozefina Topalli, Zv/Kryetari z. Vangjel Tavo, z. Pandeli Majko (deputet),
                          z. Edi Paloka (deputet)          

Prill 2015            Minister i Puneve te Jashtme, z.  Ditmir Bushati
 

Marrëveshjet dypalëshe:

1. Marrëveshje me shkëmbim notash ndërmjet Qeverisë së Republikës së Shqipërisë dhe Qeverisë së Japonisë për financimin e projektti të grantit për rritjen e prodhimit bujqësor, nënshkruar më 16 qershor 1999, hyrë në fuqi në datën e nënshkrimit.

2. Kontratë ndërmjet Ministrisë së Bujqësisë dhe Ushqimit të Republikës së Shqipërisë dhe Marubeni Coorparatin për mbështetjen në makineri dhe pajisje për rritjen e prodhimit ushqimor, nënshkruar më 2.11.1999, hyrë në fuqi në datën e nënshkrimit.

3. Shkëmbimi i notave ndërmjet Qeverisë së Republikës së Shqipërisë dhe Qeverisë së Japonisë lidhur me dhënien e grantit nga Qeveria japoneze për mbështetjen e rregullimeve strukturore si ndihmë buxhetore, nënshkruar më 09.03.2001, hyn në fuqi në datën e nënshkrimit.

4. Shkëmbimi i notave ndërmjet Qeverisë së Republikës së Shqipërisë dhe Qeverisë së Japonisë lidhur me dhënien e grantit nga Qeveria japoneze për financimin e projektit “ Për rritjen e prodhimit ushqimor në Shqipëri, 2KR, nënshkruar më 09.03.2001, hyn në fuqi　në datën e nënshkrimit.　　

5. Marrëveshje për financimin e projektit për rritjen e prodhimit shqiptar 2KR në Shqipëri ndërmjet Qeverisë së Republikës së Shqipërisë dhe Qeverisë së Japonisë, nënshkruar më 24.03.2004, hyn në fuqi në datën e nënshkrimit.

6. Marrëveshje ndërmjet Këshillit të Ministrave të Republikës së Shqipërisë dhe Qeverisë　Japoneze me shkëmbim notash për projektin e përmirësimit e pajisjeve rajonale dhe të　rrethit në jug të Shqipërisë, nënshkruar më 2.12.2004, hyrë në fuqi më 9.12.2004.

7. Marrëveshje e nënshkruar me shkëmbim notash ndërmjet Qeverisë së Republikës së Shqipërisë dhe Qeverinë japoneze për trajnimet e datës 4.4.2004, datë e hyrjes në fuqi e kësaj marrëveshje.

8. Marrëveshje me shkëmbim notash për projektin e studimit të kanalizimeve të Tiranës, bërë më 2.2.2005, hyrë në fuqi në datën e nënshkrimit.

9. Marrëveshje teknike me shkëmbim notash me Japoninë për Trajnimet e grupeve shqiptare në fusha me interes reciprok, nënshkruar më 4.4.2005, hyrë në fuqi në datën e nënshkrimit.

10. Marrëveshje e bashkëpunimit teknik ndërmjet Qeverisë së Republikës së Shqipërisë dhe Qeverisë së Japonisë, nënshkruar më 15.12.2006, hyrë në fuqi më 20 prill 2007.

11. Marrëveshje për heqjen e vizave te pasaportave diplomatike me Japoninë, shkëmbimi i notave u bë më 9.11.2007, hyrë në fuqi më 10.12.2007.

12. Marrëveshje me shkëmbim notash për financimin e projektit për përmirësimin e sistemit të largimit të ujërave të zeza të Tiranës së madhe ndërmjet Qeverisë së Republikës së Shqipërisë dhe Qeverisë së Japonisë, nënshkruar më 15.04. 2008, hyrë në fuqi në datën e nënshkrimit.

13. Marrëveshje huaje për financimin e projektit për përmirësimin e sistemit të largimit të ujërave të zeza të Tiranës së madhe ndërmjet Qeverisë së Republikës së Shqipërisë dhe Bankës Japoneze, nënshkruar më 30 qershor 2008.

14. Marrëveshje me shkëmbim notash ndërmjet Republikës së Shqipërisë dhe Qeverisë së Japonisë mbi marrëveshjen e grantit për të ndihmuar në promovimin e stabilitetit dhe zhvillimit ekonomik të  Republikës së Shqipërisë, nënshkruar më 15.4.2008, hyrë në fuqi në datën e nënshkrimit.

15. Marrëveshje me shkëmbim notash ndërmjet Qeverisë së Republikës së Shqipërisë dhe Qeverisë së Japonisë, për financimin e projektit për përmirësimin e paisjeve mjekësore në qëndrat rajonale të emergjencës, në Republikën e Shqipërisë, nënshkruar më 17.12.2009.