Shqip
English 
Ελληνικά
Armeni - Gjatë një ceremonie të zhvilluar në Pallatin Presidencial në Yerevan, Ambasadorja, Sh.S. Znj. Luela Hajdaraga i dorëzoi Presidentit të Armenisë, Sh.T. Z. Vahagn Khachaturyan, Letrat Kredenciale si Ambasadore e Jashtëzakonshme dhe Fuqiplotë e Republikës së Shqipërisë në Republikën e Armenisë, me rezidencë në Athinë.
Me këtë rast, Presidenti Khachaturyan dhe Ambasadorja Hajdaraga ndanë vlerësime të përbashkëta mbi marrëdhëniet e mira Armeni-Shqipëri, si dhe shprehën vullnetin e përbashkët për t'i forcuar më tej ato, nëpërmjet një bashkëpunimi konkret, në rritje, në fusha si: ekonomia, tregtia, investimet, arsimi, turizmi dhe kultura, bazuar në potencialet ekzistuese, dhe në interes të të dy vendeve dhe popujve.
Presidenti Khachaturyan i uroi Ambasadores Hajdaraga shumë suksese në misionin e saj të lartë, duke e siguruar për mbështetjen e tij.
