Shqip
English 
Ελληνικά
Me kërkesën e Ministrit të Brendshëm z. Bledi Çuçi dhe, me mbështetjen e Ambasadës së Shqipërisë, u zhvillua një takim me drejtues të shoqatave dhe organizatave jo-fitimprurëse të komunitetit shqiptar në Greqi.
Ministri Çuçi informoi mbi vizitën e tij zyrtare dhe takimet me homologët grekë. Ai theksoi se në qendër të këtyre takimeve ishte komuniteti shqiptar në Greqi - arritjet, vlerat dhe kontributi i tij në shoqërinë greke, por edhe problematikat aktuale që e shqetësojnë këtë komunitet, me qëllim zgjidhjen e tyre.
Më pas, në një bashkëbisedim interaktiv dhe konstruktiv u trajtuan disa çështje shqetësuese për komunitetin shqiptar. Ministri Çuçi dhe Ambasadorja Hajdaraga dhanë shpjegime lidhur me ecurinë e disa prej çështjeve, duke siguruar njëkohësisht për angazhimin maksimal të institucioneve që ata drejtojnë, për të bërë të mundur zgjidhjen e tyre.
