Shqip
English 
Ελληνικά
Hania - Ambasadorja e Shqipërisë, znj. Luela Hajdaraga, e shoqëruar nga Oficerja Koordinuese për Diasporën, znj. Joneda Dodaj, Kryetari i “Komunitetit Shqiptar Hania”, z. Afrim Avdiaj dhe Kryetari i Shoqatës “Emigrantët Shqiptarë ne Hania”, z. Klement Osmanllari, ka zhvilluar një takim në mjediset e Bashkisë Hania, me Kryebashkiakun, z. Panagiotis Simandirakis, Sekretarin e Përgjithshëm, z. Giorgos Fragiadakis dhe Nënkryetaren për Politikën Sociale, znj. Eleni Zervoudaki.
Në qendër të bisedimeve ishin:
- Mundësitë e rritjes së bashkëpunimit mes bashkive Tiranë-Hania në nivelin e pushtetit vendor dhe fusha me interes të ndërsjelltë;
- Çështjet e integrimit dhe bashkëjetesës me të cilat përballet komuniteti shqiptar në Hania;
- Çështje ligjore që lidhen me lëshimin/rinovimin e lejes së qëndrimit;
- Punonjësit sezonalë në sektorin e turizmit;
- Ruajtja dhe promovimi i gjuhës shqipe dhe trashëgimisë kulturore dhe historike;
- Vendosja e një linje ajrore të re të drejtëpërdrejtë mes Tiranës dhe Kretës;
- Binjakëzimi i Bashkive Tiranë-Hania;
- Shkëmbimi i përvojave më të mira në fushën e kulturës dhe turizmit.
