Shqip
English 
Ελληνικά
Rethimno - Takim miqësor i Ambasadores së Shqipërisë, znj. Luela Hajdaraga, Oficeres Koordinuese për Diasporën, znj. Joneda Dodaj, Kryetarit të Shoqatave të Emigrantëve në Rethimno, z. Petrit Jushi dhe Kryetarit të “Komunitetit Shqiptar në Rethimno”, z. Sokol Gjoka me Kryetarin e Bashkisë së Rethimnos, z. Giorgis Marinakis.
Fokusi i diskutimeve tek:
- Marrëdhëniet bilaterale ndërmjet dy shteteve fqinje;
- Çështjet dhe problematikat e identifikuara që lidhen me integrimin socio-ekonomik dhe politik të komunitetit shqiptar në Rethimno;
- Forcimi i bashkëpunimit në fushat e interesit të përbashkët;
- Promovimi i kulturës dhe gjuhës shqipe;
- Çështje ligjore që lidhen me lëshimin/rinovimin e lejes së qëndrimit;
- Përfaqësimi i interesave të komunitetit shqiptar në Këshillin e Qarkut dhe Këshillin Bashkiak;
- Binjakëzimi i Bashkive Rethimno-Tiranë për promovimin e trashëgimisë kulturore dhe turizmit;
- Vendosja e një linje direkte ajrore Tiranë-Kretë.
