Shqip
English 
Ελληνικά
Takimi me Presidentin e Unionit të Dhomave të Tregtisë të Republikës së Greqisë, z. Gianni Hatzitheodhosiou, konfirmoi edhe një herë vullnetin e mirë të Shqipërisë dhe Greqisë në drejtim të krijimit të hapësirave të përbashkëta e të nevojshme tregtare, për të shfrytëzuar më së miri mundësitë ekonomike që ofrojnë dy vendet tona.
Ambasadorja e Shqipërisë në Athinë, znj. Luela Hajdaraga theksoi angazhimin e Qeverisë Shqiptare për nxitjen e bashkëpunimit dhe forcimin e marrëdhënieve të drejtpërdrejta midis institucioneve të linjës dhe organizatave përfaqësuese të biznesit në të dy anët e kufirit.
“Ne ftojmë të gjithë sipërmarrësit dhe bizneset greke të investojnë në sektorë të ndryshëm të ekonomisë shqiptare dhe t’a konsiderojnë Shqipërinë si pjesë të tregut potencial rajonal”, - u shpreh gjatë takimit Ambasadorja Hajdaraga.
