Shqip
English 
Ελληνικά
Ministri i Mbrojtjes i Republikës së Shqipërisë, z. Niko Peleshi, i shoqëruar nga Ambasadorja e Shqipërisë në Athinë, znj. Luela Hajdaraga, është pritur në një takim zyrtar nga homologu i tij grek, z. Nikos I. Panagiotopoulos.
Gjatë këtij takimi, Ministrat vlerësuan bashkëpunimin tërësor mes dy vendeve, dhe shprehën angazhimin për forcimin e mëtejshëm të bashkëpunimit dypalësh në fushën e Mbrojtjes, duke u ndalur në fushat e arsimimit dhe edukimit ushtarak, shëndetësisë, stërvitjeve të përbashkëta si dhe angazhimeve në Ballkan.
Gjatë bisedimeve, të cilat u zhvilluan në një atmosferë tepër miqësore, u ndanë mendime lidhur me sigurinë dhe stabilitetit në rajonin e gjerë si dhe perspektivën europiane e rajonit të Ballkanit Perëndimor. Gjithashtu, u diskutua mbi situatën aktuale të sigurisë në Mesdheun Lindor - me fokus zhvillimet në Ukrainë - ku u theksua se të dy vendet dënojnë shkeljen flagrante të së drejtës ndërkombëtare dhe ofrojnë të gjithë ndihmën e mundshme humanitare dhe ushtarake për Ukrainën.
