Shqip
English 
Ελληνικά
Hania - Gjatë vizitës në Kretë, Ambasadorja e Shqipërisë, znj. Luela Hajdarga, e shoqëruar nga Oficerja Koordinuese për Diasporën, znj. Joneda Dodaj, ka vizituar ambjentet e shkollës së gjuhës shqipe në Tavroniti, ku është takuar me Kryetarin e Bashkisë Platania, z. Giannis Malandrakis, drejtuesin e kursit, z. Elvir Belba, si dhe me mësueset, znj. Vera Brozi dhe Afërdita Marku.
Kryetari Malandrakis i uroi Ambasadores Hajdaraga suksese në misionin e saj dhe vlerësoi angazhimin e saj për forcimin e mëtejshëm të marrëdhënieve mes Ambasadës dhe Institucioneve të Kretës.
Ambasadorja, falënderoi mësueset për punën e përkushtuar dhe kontributin e çmuar në ruajtjen, promovimin dhe përçimin tek brezat e rinj, të dijes, të edukimit, të vlerave shqiptare dhe gjuhës shqipe, dhe siguroi se ruajtja dhe mbrojtja e gjuhës sonë amtare, është detyrë parësore e Ambasadës.
