Shqip
English 
Ελληνικά
Për të nderuar mësuesit për kontributin që kanë dhënë në edukimin e dhjetra brezave të komunitetit shqiptar në Greqi, në përvjetorin e ditës së hapjes së shkollës së parë shqipe, Ambasada organizoi një aktivitet me mësuesit vullnetarë të mësimit të gjuhës shqipe në Greqi. Në aktivitet, ishin të pranishëm nismëtarët e shkollës së parë shqipe në Greqi, mësues të brezave të ndryshëm, përfaqësues së Lidhjes së Mësuesve Shqiptarë, etj.
Duke vlerësuar punën e përkushtuar dhe misionin fisnik të mësuesve, Ambasadorja znj. Luela Hajdaraga, theksoi se ata kanë luajtur dhe luajnë një rol të rëndësishëm në transmetimin e gjuhës shqipe nga njëri brez tek tjetri.
Aktivitetin e përshendetën mësuesit pionere, përfaqësues të Lidhjes së Mësuesve të Gjuhës shqipe, nismëtare të shkollës së parë, të cilët e vunë theksnin në nxitjen e brezit të ri për ruajtjen e identitetit kombëtar dhe mbështetjen e mësuesve për rritjen e mëtejshme të numrit të klasave.
Në shenjë falënderimi dhe mirënjohje, për punën e tyre dhjetra vjeçare, Ambasada shpërndau Certifikata Mirënjohje.
